ਰੀ-ਨਿਊਟਨ ਤੋਂ ਲਿਬਰਲ ਐਮ ਪੀ ਸੁਖ ਧਾਲੀਵਾਲ ਵਲੋਂ ਬੇਅਰ ਕਰੀਕ ਪਾਰਕ ਵਿਖੇ ਕੀਤੀ ਗਈ ਬਾਰਬੀਕਿਊ ਪਾਰਟੀ ਵਿਚ ਸ਼ਾਮਿਲ ਪ੍ਰਧਾਨ ਮੰਤਰੀ ਟਰੂਡੋ ਨੇ ਭਾਰੀ ਇਕੱਠ ਨੂੰ ਸੰਬੋਧਨ ਕਰਦਿਆਂ ਉਕਤ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਦੱਸਿਆ ਕਿ ਅੰਕੜੇ ਬੋਲਦੇ ਹਨ ਕਿ ਲਿਬਰਲ ਦੀ ਅਗਵਾਈ ਹੇਠ ਕੈਨੇਡਾ ਅੱਜ ਕਿਥੇ ਖੜਾ ਹੈ। ਅਸੀ ਜੀ-20 ਕੰਟਰੀ ਵਿਚ ਸਭ ਤੋਂ ਮਜ਼ਬੂਤ ਮੁਲਕ ਹਾਂ ਜਦੋਂਕਿ ਜੀ-7 ਵਿਚ ਸਭ ਤੋਂ ਘੱਟ ਕਰਜੇ ਦੇ ਬੋਝ ਵਾਲੇ ਮੁਲਕਾਂ ਚੋ ਹਾਂ। ਪਿਛਲੇ ਸਮੇਂ ਵਿਚ ਅਸੀਂ ਲੋਕਾਂ ਤੇ ਵਿਸ਼ੇਸ਼ ਕਰਕੇ ਬਜੁਰਗਾਂ ਤੇ ਬੱਚਿਆਂ ਦੀ ਭਲਾਈ ਲਈ ਬਹੁਤ ਮਜਬੂਤ ਕਦਮ ਉਠਾਏ ਹਨ। ਮੁਲਕ ਵਿਚ ਵਿਦੇਸ਼ੀ ਨਿਵੇਸ਼ ਦਾ 60 ਪ੍ਰਤੀਸ਼ਤ ਵਾਧਾ ਹੋਇਆ ਹੈ। ਸਾਨੂੰ ਇਸ ਮੁਲਕ ਦੇ ਉਜਲ ਭਵਿਖ ਤੇ ਮਜਬੂਤੀ ਲਈ ਮਿਲਕੇ ਕੰਮ ਕਰਨ ਦੀ ਲੋੜ ਹੈ।
